Stjórn og nefndir HÍS

Aðalstjórn HÍS

Formaður: Arnljótur Bj. Bergsson
Varaformaður: Örn Eyfjörð Jónsson
Fjársýslumaður: Karl Már Einarsson
Aðalritari: Bergur L. Guðmundsson
Meðstjórnandi: Björn Gíslason

Meðstjórnandi: Elvar Árni Lund

Meðstjórnandi:

Meðstjórnandi:

Meðstjórnandi:

Endurskoðandi:

Fastanefndir HÍS
 

Vefnefnd:
Formaður: Bergur L. Guðmundsson (Aðalritari)
Meðstjórnandi: Hörður Sævaldsson
Meðstjórnandi: Steinar Rafn Baldursson
 

Menntanefnd:
Formaður: Örn Eyfjörð Jónsson (Varaformaður)
Meðstjórnandi: Stefán B. Gunnlaugsson
Meðstjórnandi: Jón Þórðarson

Lög félagsins

1.gr.

Félagið heitir ,,Hið Íslenska Sjávarútvegsfræðafélag" og hefur aðsetur sitt á Akureyri.

2.gr.

Hið Íslenska Sjávarútvegsfræðafélag, HÍS, er fagfélag Sjávarútvegsfræðinga, háskólamenntaðra einstaklinga á sviði Sjávarútvegsfræða á Íslandi.
Hlutverk félagsins er:
1. Að gæta hagsmuna Sjávarútvegsfræðinga.

2. Að efla hagnýta menntun og  rannsóknir í Sjávarútvegsfræðum á Íslandi.
3. Að stuðla að því að félagsmenn njóti fræðslu og endurmenntunar.
4. Að kynna menntun félagsmanna og efla ímynd þeirra.
5. Að efla kynni og tengsl félagsmanna.

6. Að vinna að bættri ímynd íslensks sjávarútvegs

3.gr.

Félagsmaður getur hver sá orðið, sem lokið hefur hið minnsta 90 eininga/180 ECTS þverfaglegu Bakkalár (B.Sc) prófi í Sjávarútvegsfræðum á raungreinagrunni við viðurkenndan íslenskan háskóla eða 60 eininga/120 ECTS þverfaglegu Meistaraprófi (M.Sc) í Sjávarútvegsfræðum við viðurkenndan íslenskan háskóla. Stjórn félagsins tekur ákvörðun um inntöku nýrra félagsmanna.
Stjórn félagsins er heimilt að veita inntöku þeim sem ekki uppfylla skilyrði skv. 1. mgr. 3gr, hafi umsækendur lokið háskólanámi í sjávarútvegsfræðum við aðra viðurkennda háskóla, að fenginni umsögn Menntanefndar.

4.gr.

Stjórn félagsins getur kjörið heiðursfélaga félagsmenn, sem  leyst hafa af hendi mikilsverð störf á sviði sjávarútvegs eða unnið sérlega mikil störf fyrir félagið.

5.gr.

Stjórn félagsins getur vikið félagsmanni úr félaginu, ef henni þykja efni standa til, en borið getur hann mál sitt undir almennan félagsfund.

6.gr.

Ársfundur hefur æðsta vald í málefnum félagsins. Skal hann haldinn að hausti, í tengslum við íslensku sjávarútvegssýninguna þegar svo ber við. Ársfund skal boða með tölvupósti með 7 daga fyrirvara hið skemmsta.
Ársfundur er lögmætur sé löglega til hans boðað og ræður afl atkvæða úrslitum mála nema annars sé getið í samþykktum þessum. Atkvæðisrétt hafa skuldlausir félagsmenn.

7.gr.

Þessi mál skulu tekin fyrir á Ársfundi:
1. Skýrsla um störf félagsins á liðnu  starfsári.
2. Reikningsskil.
3. Samantekt yfir inngöngu nýrra félagsmanna

4. Breytingar á samþykktum félagsins.
5. Ákvörðun árgjalds
6. Kosning stjórnar.
7. Kosning endurskoðenda.
8. Önnur mál.

8.gr.

Stjórn félagsins skal skipuð átta félagsmönnum. Hver stjórnarmaður skal kjörinn sérstaklega með bundinni kosningu til eins árs í senn í eftirfarandi röð:

Formaður.
Varaformaður.
Fjársýslumaður.
Aðalritari.
Meðstjórnandi.

Meðstjórnandi.

Meðstjórnandi.

Meðstjórnandi.

Kosningar skulu vera skriflegar sé þess óskað. 

9.gr.

Á aðalfundi skal kjósa einn endurskoðanda með bundinni kosningu og skal kosning fara fram skriflega, sé þess óskað.

10.gr.

Stjórn félagsins ræður málefnum félagsins með þeim takmörkunum, sem samþykktir þess setja. Hún tekur nánari ákvarðanir um starfsemi félagsins og ber ábyrgð á fjárreiðum þess. Hún skuldbindur félagið gagnvart öðrum aðiljum og er undirskrift formanns og fjársýslumanns nægileg til  þess.
Stjórn félagsins ákveður félagsgjöld hverju sinni í upphafi starfsárs og skulu þau greidd eigi síðar en 1. nóvember ár hvert.

Gerðir stjórnarinnar skulu bókaðar.

11.gr.

Innan félagsins skal starfa tvær fastanefndir:
1. Vefnefnd. Hlutverk nefndarinnar er að hafa umsjón með kynningarmálum félagsins, halda utan um vefsíðu félagsins. Formaður nefndarinnar er aðalritari félagsins, en að auki skal stjórn félagsins skipa 2 aðra félagsmenn í nefndina, í upphafi starfsárs.

2. Menntanefnd. Hlutverk nefndarinnar er að annast samskipti við menntunaraðila sjávarútvegsfræðinga og auka samskipti félagsmanna. Nefndin skal halda utan um samþykktir og breytingar á þeim. Formaður nefndarinnar er varaformaður félagsins en að auki skal stjórn félagsins skipa 2 aðra félagsmenn í nefndina, í upphafi starfsárs. Menntanefnd fjallar um umsóknir nýrra félaga, sem ekki hafa lokið prófi í sjávarútvegsfræðum við viðurkennda íslenska háskóla. Menntanefnd er umsagnaraðili um viðurkenningu íslenskra háskóla, það er hvað nám í sjávarútvegfræðum þurfi að innihalda til þess að einstaklingar ljúki fullnaðarprófi í sjávarútvegsfræðum á háskólastigi.  Við viðurkenningu á hæfi íslenskra háskóla skal menntanefnd notast til við reglur Hins Íslenska Sjávarútvegsfræðafélags um þá áfanga sem að lágmarki skulu vera í sjávarútvegsfræðinámi.

12.gr.

Stjórn félagsins er heimilt að stofna til annarra nefnda en að ofan greinir og jafnframt að fela fastanefndunum sérstök verkefni önnur en  greinir í 11. gr.

13.gr.

Reikningsár félagsins er frá 1. september til 31. ágúst.

14.gr.

Samþykktum þessum má breyta á ársfundi félagsins og skal í fundarboði geta þeirra breytinga sem bera á upp. Til þess að breytingar samþykkta félagsins nái fram að ganga þarf 2/3 greiddra atkvæða.

15.gr.

Samþykktir þessar öðlast þegar gildi.